توأم الرووح ,,,؟

يا توأم الرووح

ياللى غايب عن عنيَّا

لكن...

فى القلب ساكن

أعمل ايه....

لمَّا استوحشك

أو لمَّا تسألنى عليك

كل الأماكن

وألقى نَفسى.. أبقى نِفسى

أضم ..هواك

ولكن

مالقاش... غير الخيال

ليه...بقيت صعب المنال

بعد ماكان هواك...هوايا

وف كل خطوه تكون معايا

انهاردا..مابقيتش شايف

غير ملامحك ..فى الفضا

او ف الزوايا

وحتَّى أدَّام المرايا

لمَّا أحب أروح لصورتى..

ألقى حيرتى

ودمع صمتى

وانت مش ظاهر معايا

غير بس... طيف

وبقيت تزورنى.. زى ضيف

وانا.. مستضيف

لعمر غالى...وسنين هوايا

لما كنت زمان معايا

وبعدها...أرجع لحيرتى

ولدمع صمتى

ياللى ساكن جوَّا ألبى

وف الخلايا

قوللى...

وحياة نور عنيا... ونور عنيك

بعدنا....

حرام عليَّا... وللى

حرام عليك؟!

أنا ألبى ببكى وبيناديك

بيقول تعالى

وتواسينى....ويواسيك